Labarai
Hukumar INEC ta ƙara wa jam’iyyu lokacin zaɓen fitar da gwani
Hukumar zaɓe mai zaman kanta INEC, ta ƙara lokacin kammala zaɓukan fitar da gwani na zaɓen baɗi.
Shugaban kwamitin yaɗa labarai da wayar da kan masu kaɗa kuri’a Mista Festus Okoye, ne ya bayyana hakan a wata sanarwa da ya fitar yau Juma’a a birnin tarayya Abuja.
Ta cikin sanarwar hukumar ta ce, yin ƙarin ya biyo bayan buƙatar hakan da jam’iyyun suka shigar mata a ganawa da ta yi da su yau.
Haka kuma hukumar ta INEC ta ce, bisa jadawalin ayyukan babban zaben 2023, yanzu jam’iyyun sun roki hukumar da ta yi amfani da wa’adin kwanaki 6 tsakanin 4 zuwa 9 ga watan Yunin ban don kammala zaɓukan fidda gwanin.
