Labarai
Ma’aikatan Majalisar Dokokin Najeriya Sun Tsunduma Yajin Aikin Sai Baba Ta Gani
Ma’aikatan majalisar dokokin kasar karkashin inuwar kungiyar ma’aikatan majalisar dokokin Najeriya a ranar Litinin sun fara yajin aikin sai baba-ta-gani, domin mayar da martani ga bukatarsu ta biyan basukan mafi karancin albashi na watanni takwas.

Ma’aikatan NASS sun nuna rashin amincewarsu da rashin biyan mafi karancin albashin ma’aikata.
Suna zargin mahukuntan majalisar dokokin kasar da rashin mutunta yarjejeniyar aiki da bangarorin biyu suka shiga.
Kungiyar majalissar dokoki ta kasa da kungiyar masu yi wa hidima ta kasa ta PASAN sun gudanar da wani taron hadin gwiwa a Abuja ranar Alhamis inda aka yanke shawarar cewa ma’aikata su sauke kayan aiki, kusan mako guda ‘yan majalisar su dawo daga hutu.
‘Yan majalisar dattawa da na wakilai sun tafi hutu saboda hutun kirsimeti dana sabuwar shekara. Ana sa ran za a ci gaba da zaman majalisar a ranar 18 ga watan Janairu.
