Labarai
Shugaba Buhari ya dawo daga Rwanda
Shugaban ƙasa Muhammadu Buhari, ya sauka a birnin tarayya Abuja bayan da ya baro ƙasar Rwanda.
Rahotonni sun bayyana cewa shugaban ya sauka ne da yammacin yau Lahadi.
A makon da muka yi bankwana da shi ne shugaba Muhammadu Buhari, ya bar Najeriya inda ziyararci Kigali babban birnin ƙasar Rwanda.
Shugaban ya je ƙasar ne domin halartar taron shugabannin ƙungiyar ƙasashen rainon Ingila karo na 26.
Shafin BBC ya ruwaito cewa gabanin shugaba Buhari ya baro ƙasar ta Rwanda sai da ya kai ziyara wajen tunawa da mutanen aka kashe lokacin yaƙin kisan kiyashin Rwanda.
