Labarai
Ambaliyar Ruwa: Sama Da Gidaje 16,000 Sun Lalace, Yayin Da Mutane 24 Suka Rasa Ransu
Akalla mutane 24 ne suka rasu tare da lalata gidaje 16,625 a jihar Katsina sakamakon ambaliyar ruwa da iska.
Hukumar bayar da agajin gaggawa ta jihar (SEMA) a cikin wata sanarwa da mai magana da yawunta ya sanya wa hannu a ranar Juma’ar nan ya ce adadin gonaki 1,620 ne ruwa ya mamaye a kananan hukumomin Danja, Ingawa da Kafur na jihar.
Ya ce amfanin gona da aka kiyasta an yi asara yakai miliyoyin naira sakamakon bala’in.
Muhammad ya bayyana cewa hukumar ta tantance gidaje da gonakin da abin ya shafa domin taimakawa wadanda abin ya shafa.
Ya kara da cewa nan ba da jimawa ba gwamnatin jihar za ta fara rabon kayan agaji ga wadanda abin ya shafa.
Gidan Talabijin na Channels ya ruwaito a ranar 5 ga watan Satumba, 2022 cewa, gidaje 3,813 sun lalace tare da mutuwar mutane biyar sakamakon ruwan sama da aka yi a wasu kauyuka a Katsina.
