Jami’in hulɗa da jama’a na rundunar sojin ruwa a jihar Richard Iginla, ne ta tabbatar da hakan ga manema labarai.
Ya ce, ana zargin cewa an tilasta wa ƴan matan da rundunar ta cafke ne wajen shigar su harkar ta karuwanci.
Haka kuma ya ce, yayin samamen sun kuma cafke wasu mutane uku da ake zargi da safarar ƴan matan waɗanda wasu a cikinsu ba su fi shekaru goma sha huɗu ba.
BBC ta ruwaito cewa, Richard Iginla ya kuma ce, rundunar sojin ruwan ta kai samamen ne da haɗin gwiwar hukumar yaki da safarar bil-adama ta Najeriya NAPTIP da kuma rundunar tsaro da Civil Defence.
