Uncategorized
City ta fitar da Chelsea daga gasar Carabao
Riyad Mahrez da Julian Alvarez ne suka ci wa Manchester City kwallaye 2 da suka bata nasarar doke Chelsea a wasan gasar kofin Carabao ,lamarin da ya sa suka tsalaka izuwa zagaye na 4.
Dukkannin bangarorin sun samu damammakin cin kwallaye a farkon zubi na farko na wasan, amma suka baras da su.
A farkon zubi na 2 na wasan ne Mahrez ya ci wa City wata kwallo daga bugun tazara.
Alvarez kuma ya kaimasa yadin da wata kwallo da ya saka, jim kadan bayan wadda Mahrez ya ci.
Manchester City ta cancanci wannan nasarar, bayan da ta ci gaba da zama a turbar nasara a wannan gasa a karkashin koci, Pep Guardiola.
Wannan sakamako na nuni da cewa wasanni 2 kawai Chelsea suka ci daga 7 da suka buka a dukkan gasa, kuma babu alamun sauki, ganin cewa a wannan Asabar mai zuwa za su ziyarci Newcastle a gasar Firmiyar Ingila.
