Labarai
Fursunoni 181 Sun Sami Yanci, Ya yin Da Babban Alkali Ya Yi Musu Afuwa
Fursunonin 181 a faɗin cibiyoyin gyaran hali guda uku a jihar Rivers sun samu afuwa daga babban alkalin jihar, Mai shari’a Simeon Amadi.
Alkalin ya bayyana hakan ne a wajen rufe wani taron kwana biyu a cibiyar gyaran gyaran hali ta Fatakwal a ranar Juma’a.
Ya ce, wannan wani bangare ne na kokarin rage cunkoso a cibiyoyin gyara hali dake fadin jihar.
Babban alkalin wanda ya samu wakilcin mataimakin babban magatakardar shari’a, Meneme Friday Poronon, yace afuwar na daya daga cikin “bikin shekarar ma’aikatar a jihar ta 2022/2023”.
Ya bayyana cewa fursunonin da aka yi wa afuwar ” an sallamesu kuma an yafe musu ” laifukan da suka aikata.
Babban alkalin kotun Poronon ya kara bayyana cewa, Babban Alkalin jihar ya sake yin wani zagaye a ranar 22 ga Maris 2023 a matsayin wani bangare na ayyukan shagalin shekarar 2022/2023” a jihar.
Ya kuma shawarci fursunonin da aka ‘yantar da su sauya sabon salo rayuwa, ya kara da cewa matakin na daya daga cikin sabbin matakan da aka dauka na “gyara a bangaren shari’a da kuma yadda ake gudanar da shari’ar laifuka a fadin jihar”.
Fursunonin da aka ‘yantar dai su ne wadanda ke fuskantar shari’a kan kananan kararraki da kuma wadanda ke jiran hukunci.
