Labarai
Gwamnatin Jigawa ta rage wa ma’aikata lokaci albarkacin Azumi
Gwamnatin jihar Jigawa ta sanar da yin raging lokacin aiki ga ma’aikatan jihar domin sauƙaƙa musu aiki albarkacin Azumin watan Ramadan.
Gwamnatin ta bayyana hakan ne ta cikin wata sanarwa da shugaban ma’aikata na jihar Hussaini Kila, ya fitar.
Sanarwar ta ce, yanzu daga yanzu ma’aikatan za su riƙa zuwa aiki ne misalin ƙarfe 9:00 na safiya, kuma za su tashi da ƙarfe 3 na yammaci a ranakun Litinin zuwa Alhamis.
Haka kuma sanarwar ta ce, a ranar Juma’a kuwa za a riƙa zuwa aiki ƙarfe 9:00 na safiya sannan a tashi ƙarfe 1:00 na rana.
