Kasuwanci
Gwamnatin Engr. Abba Kabir ta umarci masu gidajen Mai su sayar a tsohon farashi
Gwamnatin jihar Kano ƙarƙashin jagorancin injiniya Abba Kabir Yusuf, ta umarci masu gidajen Mai da su dawo da sayar da fetur akan tsohon farashi.
Sakataren yaɗa labaran gwamnan Sunusi Bature Dawakin Tofa, ne ya bayyana hakan ta cikin wata sanarwa da ya aike wa manema labarai da yammacin yau Alhamis.
Sanarwar ta bayyana cewa sayar da fetur kan tsohon farashin zai sauƙaƙa wa al’umma halin da suke ciki kasancewar man tsohuwar ɗauka ne da ke a ajiye tun kafin sanar da janye tallafin man fetur din.
Haka kuma, Sanarwar ta bayyana cewa, gwamnatin na umartar waɗanda suka rufe gidajen mai da su buɗe kuma su ci gaba da siyar da shi akan tsohon farashin.
