Labarai
Majalisar Wakilai Ta Nemi Gwamnatin Tarayya Ta Haramta Amfani Da Littafin Queen Premier
Majalisar wakilai ta bukaci gwamnatin tarayya da sauran kananan hukumomi da su haramta amfani da wani shahararren littafin karatun yara a furamare mai suna “Queen Premier” a makarantun kasar nan.
‘Yan majalisar sun bukaci gwamnatin tarayya da jihohi da kuma kananan hukumomi da su hana amfani da littafin saboda ya kunshi kalmomi kamar “gay” da “eros” da sauran su da ake ganin na “batsa” ne.
Kiran haramcin ya biyo bayan amincewa da kudirin da Sulaiman Gumi na jam’iyyar (PDP, a jihar Zamfara) ya gabatar a ranar Alhamis din nan yayin zaman majalisar.
Jaridar Alkiblah ta ruwaito cewa a kwanakin baya ne gwamnatin jihar Kano ta haramta amfani da littafin a dukkan makarantun da ke jihar.
