Featured
Obasanjo ya bukaci a gaggauta korar shugaban hukumar zabe ta kasa Farfesa Mahmoud Yakubu
Tsohon shugaban Najeriya, Olusegun Obasanjo, ya bukaci a kori Shugaban Hukumar Zabe ta Kasa (INEC) Farfesa Mahmood Yakubu da wasu manyan jami’an hukumar daga aiki.
Obasanjo ya kuma ba da shawarar a sallami wasu manyan jami’an INEC aiki, ya kuma bukaci a rage tsawon wa’adin shugabancin shugaban hukumar.
Tsohon shugaban kasar ya yi wannan kira ne a taron Zauren Shugabanci na Chinuwa Achebe da ke Jami’ar Yale a Amurka, a lokcin da yake tsokaci kan zaben shugaban kasa na 2023, wanda ya bayyana a matsayin abin takaici.
Don haka ya ba da shawarar a yi cikakken garambawul ga tsarin yadda ake gadanar da zabe a Najeriya.
