Featured
An Ceto Mutane 166 da Aka Sace a Kaduna
Ƙungiyar Kiristoci ta Najeriya (CAN) ta ce an ceto mutane 166 da ƴan bindiga suka yi garkuwa da su daga wasu majami’u a ƙauyen Kurmin Wali na jihar Kaduna. Lamarin ya faru ne a arewa maso yammacin Najeriya.
Shugaban CAN na arewa, Reverend John Hayab, ya ce duk waɗanda aka sace sun koma gida lafiya ba tare da an biya kuɗin fansa ba. Shugaban CAN a Kaduna, Reverend Caleb Ma’aji, ya tabbatar wa BBC sakin mutanen, yana cewa gwamnan jihar ne zai tarbe su a gidan gwamnati.
Hukumomin gwamnatin Najeriya ba su yi tsokaci kai tsaye kan sakin ba. Lamarin na cikin jerin garkuwa da mutane da ke ƙara matsa lamba kan gwamnati, a yayin da ake fuskantar suka daga Shugaban Amurka Donald Trump kan abin da ya kira kisan Kiristoci, yayin da Najeriya ta ce tana aiki tare da Amurka wajen inganta tsaro.
