Featured
Kwankwasiyya ta zargi gwamnatin Kano da muzgunawa ƴan adawa
Kungiyar Kwankwasiyya ta zargi gwamnatin jihar Kano, da muzgunawa ƴan adawa, tare da kawo cikas ga ayyukan raya kasa da ‘yan majalisar da ba sa goyon bayan gwamnati suka samar. Kungiyar ta bayyana hakan ne, cikin wata sanarwa da kakakinta, Dr Habib Mai Lemo, ya fitar.
Mai Lemo ya ce dakatar da wasu kansiloli, yunkurin dakatarwa ko sauya wurin wasu ayyukan mazabu na tarayya, da kuma barazanar kama masu sharhi kan siyasa, na daga cikin abin da kungiyar ta bayyana a matsayin tsarin tsoratar da ‘yan siyasa a jihar.
Read Also: Uwargidan Tinubu ta ba wa gwarzuwar Alƙur’ani kyautar Naira Miliyan 20
Kungiyar ta kuma yi kira da a gudanar da bincike kan dakatar da wasu kansilolin, musamman wadanda aka dakatar kan zargin da ya shafi aiwatar da ayyuka. Ta ce bai kamata a hana al’umma hanya, makaranta ko cibiyar lafiya, saboda dan majalisar da ya samar da aikin yana cikin jam’iyyar adawa ba.
Kwankwasiyya ta ce za ta ci gaba da kasancewa cikin lumana da bin doka wajen kare dimokuradiyya da muradun mambobinta. A halin yanzu, gwamnatin jihar Kano ba ta mayar da martani kan zarge-zargen da kungiyar ta gabatar ba.

Pingback: Shugaban Hukumar Karbar Korafe-korafe da Yaƙi da Cin Hanci Ta Jihar Kano Ya Yi Murabus - KAKAKI 24