Labarai
Zargin lalata da ɗalibai: Kwalejin tarayya ta Bauchi ta kori malamanta 2
Hukumomin kwalejin gwamnatin tarayya da ke Jihar Bauchi, sun sanar da korar wasu malamai 2 bisa samun su da laifin yin lalata da wasu mata ɗaliban kwalejin.
Shugaban kwalejin, Sanusi Gumau, ne ya bayyana wannan mataki ga manema labarai yau Lahadi.
Ya ce, an ɗauki matakin ne a zaman majalisar zartaswar kwalejin na 98 da aka gudanar jiya Asabar.
Haka kuma ya ƙara da cewa, ɗaukar matakin na zuwa ne bayan samun ƙorafi daga ɗaliban inda hakan ta sanya su kafa kwamatocin da dangane da zarge-zargen.
Sanusi Gumau, ya ƙara da cewa, bayan kammala bincike tare da gabatar da rahoton ne aka tabbatar da cewa sun aikata laifin, don haka hukumar kwalejin ta ɗauki matakin.
