Labarai
Jam’iyyar PDP Ta Shirya Gagarumin Taron Shiyyar Arewa Maso Yamma
Jam’iyyar PDP ta shirya gagarumin taronta na shiyyar Arewa maso Yamma domin zabar kwamitin gudanarwa na shiyyar da kuma tsoffin jami’an shiyyar a ranar Asabar 12 ga watan Fabrairu.
Jam’iyyar ta bayyana hakan ne a cikin wata sanarwa da sakataren jam’iyyar na kasa, Umaru Bature, ya fitar ranar Alhamis a Abuja.
Ta bayyana cewa matakin na daga cikin kudurin da kwamitin ayyuka na jam’iyyar PDP na kasa (NWC) ya yanke a taron da ya yi a ranar Laraba.
Ya ce an shirya gudanar da taron shiyyar Arewa maso Yamma a shedikwatar jam’iyyar a jihar Kaduna.
“Dukkan masu ruwa da tsaki da kuma jiga-jigan jam’iyyar mu a shiyyar Arewa maso Yamma sun sanar da hakan kuma an yi musu jagora yadda ya kamata,” in ji jam’iyyar. (NAN)
