Labarai
Shugaba Buhari ya tafi ƙasar Spain
Shugaba ƙasa Muhammadu Buhari, ya kama hanyar tafiya birnin Madrid na ƙasar Spain Sifaniya domin kai ziyara nahiyar Turai.
Hakan na cikin wata sanarwa da mai magana da yawun shugaban Mista Femi Adesina ya fitar a yau.
Sanarwar ta ce, shugaba Buhari ya yi tafiyar ne domin amsa gayyatar da shugaba Pedro Sanchez ya yi masa.
A cewar Mista Adesina, shugaba Buhari ya samu rakiyar ministan harkokin ƙasashen ƙetare Mista Geoffrey Onyeama da Antoni Janar Abubakar Malami SAN da wasu ministocinsa biyar.
Haka kuma sanarwar ta ruwaito cewa shugaba Muhammadu Buhari a balaguro nasa zai gana da shugaban gwamnatin Sifaniya.
