Labarai
Harin Kuje: Jami’an tsaro sun cafke mutane 4 da ke bai wa ƴan bindiga bayanan sirri
Jami’an tsaro, sun yi nasarar kama wasu mutane huɗu da ake zargin suna wajen kitsa harin gidan gyaran hali na Kuje dake birnin tarayya Abuja.
PRNigeria ta ruwaito cewa, wata majiya mai ƙarfi ta hukumar leken sirri ce ta tabbatar da cafke mutanen.
Haka kuma kafar yaɗa labaran ta ce, jami’an tsaro sun kama mutanen ne tare da samun su da na’urori da makamai da kuma tsofaffin wayoyin salula waɗanda ba sa yin amfani da Intanet.
Haka kuma rahotonni sun bayyana cewa ana ci gaba da gudanar da bincike tare da tattara rahotonni don gano waɗanda mutanen ke yi wa aiki.
