Featured
Ahmad Musa ya sauya sheƙa zuwa ƙungiyar Sivasspor
Daga Abdu Ado Ƙofar Na’isa
Ɗan wasan ƙungiyar ƙwallon ƙafa ta Super Eagle Ahmad Musa, ya sauya kungiyar kwallon kafa bayan da
wa’adin sa ya kare a tsohuwar kungiyar sa na shekara biyu.
Ahmad Musa Mai shekaru 29 ya rattaba hannu a jiya juma’a na tsawon shekara biyu a babbar ƙungiyar ta ƙasar Turkiyya, wadda take buga ajin kwararru a Turkish super Lig.
Ƙungiyar ta nuna kwadayin ta akan gogewar dan wasan Ahmad Musa.
Shugaban kungiyar mecnun otyakmaz ya tabbatar da ɗaukar ɗan wasan na tsawon kwantiragin shekara biyu.
