Ilimi
Kungiyar ASUU Ba Za Ta Sadaukar Da Jin Dadin Mambobinta Ta Daina Yajin Aiki Ba
Ƙungiyar Malaman Jami’o’i (ASUU) a ranar Litinin ta ce ta jajirce wajen samun haɗin kan da ake buƙata ga Jami’o’in gwamnati.
Kungiyar ta ce ba za ta sadaukar da jin dadin mambobinta ba, kuma za ta bijirewa duk wani yunƙuri na mayar da masu ilmi a matsayin bayi, kan shugabanci marar kyau
Shugaban Jami’ar Ibadan, Farfesa Ayo Akinwole, wanda ya bayyana haka a Ibadan, ya buƙaci ƴan Najeriya da su yi watsi da ikirarin da Gwamnatin Tarayya ke yi na cewa ta biya buƙatun Ƙungiyar sai dai ta hana su Albashi.
“Mun jira tsawon watanni 14 daga Disamba 2020 zuwa Fabrairu 2022 kafin mu ayyana wannan yajin aikin. Ina cewa sanarwar watanni 14, watanni 14 na alkawari, kuma Hukumar Kula da Addini ta Najeriya (NIREC) ta shiga tsakani a shekarar 2021 lokacin da za mu ayyana yajin aikin. Mun ba su wata daya babu sakamako. Jarumai sukan mutu kafin a yaba su, amma kungiyar mu ba za ta mutu ba. Ba za mu mutu ba. Za mu kasance a raye don ganin an shawo kan wannan gwagwarmaya,” in ji shi.
