Labarai
Ina jin takaici kan yajin aikin ASUU- Shugaba Buhari
Shugaban ƙasa Muhammadu Buhari, ya ce, yana jin damuwa dangane da yajin aikin da ƙungiyar Malaman jami’o’i ASUU ke yi na tsawon watanni.
Shugaban ya bayyana hakan ne a yau Asabar ta cikin jawabinsa na bikin cikar Najeriya shekaru sittin da biyu da samun ƴancin kai.
Haka kuma ya buƙaci ƙungiyar da ta janye yajin aikin da take yi tare da komawa bakin aiki, yana mai cewa gwamnatinsa za ta yi dukkan mai yiwuwa wajen magance matsalolin ƙungiyar.
Haka kuma ya bayyana damuwa bisa ci gaba da samun taɓarɓarewar harkokin ilimin manyan makarantu.
