Kasuwanci
Duk Gwamnatin Da Ta Zo Bayan Ta Buhari Zata Gaji Bashin Tiriliyan 77 – DMO
Ana sa ran basusukan Najeriya zai kai Naira tiriliyan 77 yayin da shugaban kasa Muhammadu Buhari zai bar mulki nan da watanni biyar masu zuwa.
Babbar Daraktar ofishin kula da basussuka Patience Oniha, ta bayyana hakan a wajen taron gabatar da jama’a tare da fayyace muhimman batutuwan da suka shafi kasafin kudin shekarar 2023 a Abuja ranar Laraba.
“Akwai tattaunawa da yawa kan hanyoyi da ma’anoni. Baya ga gagarumin kuɗaɗen da ake kashewa a cikin ayyukan lamuni da za mu samu ta hanyar tsare shi, akwai wani abu na nuna gaskiya ta yadda a yanzu ya bayyana a cikin tarin basussukan jama’a, “in ji Misis Oniha.
“Da zarar Majalisar Dokoki ta amince da shi, hakan na nufin za mu ga cewa an sanya wannan adadi a cikin bashin jama’a. Za ku ga karuwar basussukan jama’a zuwa Naira tiriliyan 77.”
Bashin Najeriya ya haura sama da Naira Tiriliyan 44 karkashin kulawar Buhari a watan Satumba.
A ranar Talata, Mista Buhari ya sanya hannu kan kasafin kudin Najeriya ya zama doka, bayan majalisar dokokin kasar ta amince da kudirin kasafin kudin shekarar 2023 na Naira Tiriliyan 21.83.
Jaridar Solacebace ta rawaito cewa Tabarbarewar kasafin kudin ya nuna cewa kasar na da jimillar kudaden shiga na Naira Tiriliyan 9.73, tare da gibin kusan Naira Tiriliyan 12.00, wanda hakan ke nuni da cewa gwamnatin Buhari za ta dauki rance mai dimbin yawa domin samar da kasafin kudin. NA
