Featured
Tanimu Turaki Ya Sha Kaye : Kotun Ƙoli Ta Soke Babban Taron PDP Na Ibadan
Kotun Koli ta soke babban taron jam’iyyar PDP da aka gudanar a Ibadan, Jihar Oyo a ranakun 15 da 16 ga watan Nuwamba, 2025. Hukuncin ya zo ne bayan takaddama kan sahihancin taron da ya haifar da sabuwar takun-saka a jam’iyyar.
Rahotanni sun nuna cewa taron ne ya haifar da wani ɓangaren shugabanci ƙarƙashin jagorancin Tanimu Turaki, wanda ke ikirarin jagorantar jam’iyyar daga wani ɓangare. Wannan mataki ya haddasa rabuwar kai a cikin PDP.
Da wannan hukunci, ɓangaren da Turaki ke jagoranta ya fuskanci koma baya, yayin da kotun ta bayyana taron a matsayin mara inganci a hukumance. Ana sa ran ƙarin bayani kan dalilan hukuncin da tasirinsa ga makomar jam’iyyar zai biyo baya.
