Labarai
Taba Ganduje Ne Yasa Kwankwaso Ya Rasa Kujerar Minista — Jigon APC
Wani jigon Jam’iyyar APC mai mulki Bala Ibrahim ya bayyana cewa sukar da ake ci gaba da kai wa shugaban jam’iyyar na kasa, Dr Abdullahi Ganduje a jihar Kano, suna iya zama silar rasa kujerar ministan dan takarar shugaban kasa a jam’iyyar NNPP, Sanata Rabi’u Kwankwaso a majalisar ministocin shugaban kasa Bola Ahmad Tinubu.
Kafin kaddamar da wadanda Tinubu ya nada a matsayin ministoci, akwai rade-radin cewa Kwankwaso zai iya samun mukami a gwamnatin Tinubu, ganin irin huldar da ke tsakanin mutane biyun bayan zaben shugaban kasar.
Sai dai Kwankwaso bai sanya sunayen wadanda Tinubu ya nada a matsayin ministoci ba, yayin da tsohon gwamnan jihar Ribas, Nyesom Wike na jam’iyyar adawa ta Peoples Democratic Party, ya samu gurbi.
Da yake zantawa da wakilinmu a ranar Lahadin da ta gabata, Daraktan yada Labarai na Jam’iyyar APC, Bala Ibrahim, ya ce ya yi amanna da bakaken maganganun da Gwamna Abba Yusuf na jam’iyyar NNPP da kuma ubangidan siyasarsa Kwankwaso suke fada wa Ganduje a jihar Kano, shi ya sa Tinubu ya yanke shawarar kin bai wa Kwankwaso mukamin minista.
Ibrahim ya ce, “Kwankwaso wani karfi ne da ya kamata a yi la’akari da shi a siyasar Kano. Amma yadda tafiyar ta Kwankwasiyya ta sa da kuma yadda tafiyar ta sa ta sa goyon bayan Kwankwaso ya ragu sannu a hankali.
“Tabbas shugaban kasa ya ji motsin jama’a kuma ya auna dacewa da aiwatar da manufofinsa, musamman kokarinsa na ganin ya kwaci zukatan al’ummar Kano. Babu yadda za a yi ka watsar da balagaggen siyasa, mai hazaka da gogewar Dr Abdullahi Ganduje idan ana maganar yadda yake taka siyasa a Kano.
