Labarai
Gwamnan Jigawa Ya Gargadi Ma’aikata Game Da Zuwa Aiki A Makare Da Fashi
Gwamnan jihar Jigawa, Malam Umar Namadi, ya gargadin Ma’aikatan gwamnatinsa kan zuwa wurin aiki a makare.
Gwamnan ya bayyana cewa gwamnatinsa ba za ta lamunci kin zuwa aiki da kuma zuwa a makare ba.
Namadi ya yi wannan gargadin ne a lokacin da ya kai ziyarar gani da ido a kananan hukumomin Kiyawa, Miga, Jahun da Kafin Hausa a ranar Talata.
Gwamnan wanda a zahiri ya ji rashin dadi bisa rashin ganawa da wasu shugabanin kananan hukumomin a kan kujera a wasu sakatariyoyin majalisar.
Ya ce gwamnatinsa ba za ta lamunci rashin zuwa aikin ba.
A cikin kananan hukumomi hudu da gwamnan ya ziyarta, shugaban karamar hukumar Jahun ne kawai aka samu a kan kujera.
“Za a ba wa ciyamomin da abin ya shafa takardar gargadi don bayyana dalilin da ya sa ba sa kan kujera a lokacin ziyarar,” in ji gwamnan.
Sauran wuraren da gwamnan ya ziyarta sun hada da makarantun kwana da cibiyoyin kula da lafiya.
