Featured
Wata Hajiya Daga Jihar Kwara Ta Kashe Kanta A Birnin Madina
Hukumar jin dadin alhazai ta jihar Kwara, ta sanar da mutuwar wata hajiyar Najeriya daga jihar kwara, wacce ta rasa ranta ta hanyar fadowa daga saman rufin masaukin ta da ke Madina.
Hukumar ta ce hajiyar itace mutum ta biyu cikin alhazan jihar da suka rasu a Madina a bana.
Ta kara da cewa wani alhajin jihar mai suna Saliu Mohammed, ya rasu sakamakon rashin lafiya a Madina.
Cikin wata sanarwa da shugaban hukumar Abdussalam Abdulkadir ya fitar ya ce “wadannan abubuwa masu ban tausayi ne, amma sun mika wuya ga kaddara da sanin Allah a cikin dukkan al’amura.”
Ya kuma mika sakon ta’aziyya ga iyalan mamatan, inda ya roki Allah Ya jikansu ya kuma musu.
