Featured
Mutane da dama sun rasu bayan bishiya mai shekaru 100 ta fada a kansu a jihar Edo
Wata bishiya da ta shafe shekaru 100 ta fado kan mutane yayin mamakon ruwan sama a kasuwar Jattu dake karamar hukumar Etsako a jihar Edo inda mutane da dama suka rasa ransu.
Lamarin ya faru ne a jiya Litinjn da misalin karfe 8:30 na safe yayin da ‘yan kasuwa ke shirin bude shagunansu ana tsaka da ruwa.
Shaidun gani da ido sun ce iska mai karfi ta babbago bishiyar inda ta danne mutane da dama da suka fake a cikin bishiyar da shagunan dake kusa da ita.
Shugaban karamar hukumar ta Etsako ta yamma, Mista Marvellous Zibiri ya tabbatar da faruwar lamarin.
Sannan ya bayyana godiya kan cewa adadin wadanda suka rasu bai yawaita ba sakamakon an fara ruwan ne da safiya mutane basu fito kasuwa sosai ba.
