Featured
Yunwa Da Talauci Ne Su Ka Haifar Da Rashin Tsaro A Najeriya – NSA
Mai bai wa Shugaban Ƙasa shawara kan harkokin tsaro, Nuhu Ribadu, ya bayyana cewa yunwa da talauci na daga cikin manyan abubuwan da ke haddasa matsalar rashin tsaro a fadin Najeriya, yana mai cewa dole ne a magance su don a samu zaman lafiya da cigaba mai ɗorewa.
Ribadu ya yi wannan bayani ne a ranar Litinin a taron kwana-kwana na tsaro da aka gudanar a Abuja, ƙarƙashin jagorancin ƙungiyar tsofaffin daliban Makarantar Koli ta Tsaro (NDC), mai taken “Yaki da Yunwa da Talauci don Samun Zaman Lafiya da Cigaba a Najeriya.”
An wakilci Ribadu ne da Daraktan Harkokin Tsaro a Ofishin NSA, Manjo Janar Peter Mala, wanda ya ce:
“Yunwa da talauci ba wai matsalolin zamantakewa kawai ba ne; su ne tushen rashin tsaro, laifuka, tashin hankali da rugujewar tsarin rayuwa.
Wadannan matsaloli na cikin wani mugun da’ira — talauci na haifar da rashin tsaro, sannan rashin tsaro na ƙara tsananta talauci.”
