Featured
Za Mu Yi Amfani da Fasahar Zamani Wajen Yaƙi da Matsalar Tsaro – Tinubu
Shugaban Ƙasa Bola Tinubu ya bayyana cewa gwamnatinsa za ta ci gaba da amfani da fasahar zamani, inganta tattara bayanan sirri da kuma ƙarfafa rundunar sojoji domin yaƙi da matsalar tsaro. Ya bayyana hakan ne a ranar Litinin, 06 ga Yuli, 2026, ta bakin Mataimakinsa Kashim Shettima a bikin Ranar Sojin Najeriya da aka gudanar a Fatakwal.
Tinubu ya ce gwamnati na zuba jari wajen samar da sabbin kayan aikin soja da horar da jami’ai, tare da bunƙasa ƙera kayan aikin tsaro a cikin gida ta hanyar ƙarfafa DICON domin rage dogaro da kayan da ake shigowa da su daga ƙasashen waje.
Read Also : Lashe Kofin Euro a 2016 Dai-dai Yake da Cin Kofin Duniya a Wajena – Ronaldo
A nasa jawabin, Gwamnan Ribas Siminalayi Fubara ya buƙaci Gwamnatin Tarayya ta ƙara inganta walwala da jin daɗin jami’an soji. Shi kuma Babban Hafsan Sojin Ƙasa, Laftanar Janar Waidi Shaibu, ya tabbatar da aniyar rundunar na ci gaba da kare rayuka da dukiyoyin al’umma.
