Featured
Ya kamata a daina yi wa ƴaƴa mata auren wuri – Remi Tinubu
Uwargidan shugaban Najeriya, Sanata Oluremi Tinubu, ta yi kira ga iyaye, shugabanni da al’umma baki ɗaya da su haɗa kai wajen kawo ƙarshen auren wuri tare da kare haƙƙoƙin ’ya’ya mata.
Ta bayyana hakan ne a saƙon ranar bikin Ranar ’Yar Mace ta 2026, wanda aka gudanar ƙarƙashin taken “Kawo ƙarshen auren yara da zuba jari a kula da haƙƙoƙin ’ya’ya mata.” Ta ce ya kamata kowace yarinya ta samu damar samun ilimi, kiwon lafiya da kuma yanayin da zai ba ta damar cimma burinta.
Sanata Oluremi Tinubu ta jaddada cewa kowace ’ya mace na da haƙƙin yin karatu, girma da gina makomarta ba tare da fuskantar wariya, tashin hankali ko wasu munanan al’adu da ke hana ta cimma burinta ba.
Ta kuma yi kira ga iyalai, al’umma, shugabannin addini da na gargajiya, da masu tsara manufofi da su ɗauki matakan kare haƙƙin ’ya’ya mata. Ta ce idan aka ba su damar bunƙasa da cimma burinsu, hakan zai amfani iyalai, al’umma da ƙasa baki ɗaya.

Pingback: AHIP Calls for Greater Investment in Girls’ Education, Health - KAKAKI 24