Featured
Atiku Ya Sha Alwashin Kawo Ƙarshen Matsalar Tsaro Cikin Shekara Ɗaya
Ɗan takarar shugaban ƙasa na jam’iyyar ADC, Atiku Abubakar, ya ce zai kawo ƙarshen matsalar tsaro a Najeriya cikin shekara guda da hawansa mulki, idan ya samu nasara a zaɓen shekarar 2027.
Atiku ya bayyana hakan ne yayin wata hira da BBC Hausa, inda ya ce zai mayar da hankali wajen magance matsalar tsaron da ƙasar ke fama da ita idan aka zaɓe shi ya jagoranci Najeriya.
Tun bayan fara harkokin siyasa gabanin zaɓen 2027, tsohon mataimakin shugaban ƙasar ya ci gaba da jan hankalin jama’a kan wasu manufofinsa da ya bayyana.
Daga cikin manufofin da Atiku ya bayyana akwai alkawarinsa na dawo da tallafin man fetur, matakin da ya jawo martani daga gwamnatin Najeriya da kuma wasu ’yan ƙasar.
