Featured
An fitar da matar da ta shigo da Ebola Najeriya zuwa Switzerland

An fitar da matar farko da aka tabbatar tana ɗauke da cutar Ebola a Najeriya zuwa Switzerland, domin ci gaba da samun kulawa da jinya, kamar yadda Ministan Lafiya na Najeriya, Ali Pate, ya tabbatar.
Ministan ya ce an fitar da matar daga Najeriya ne bisa amincewarsa, inda mijinta, wanda har yanzu bai nuna alamun kamuwa da cutar ba, ya raka ta zuwa Switzerland.
Read Also : Ƴan adawa ne suka jefa Najeriya cikin yunwa da talauci – Tinubu
A cikin wata sanarwa da ya wallafa a shafinsa na X, Pate ya ce matar ta samu sauƙi sosai kafin a kai ta Switzerland.
Sai dai ministan ya bayyana cewa samun sauƙi ba ya nufin cewa matar ba za ta iya yaɗa cutar ba. Ya ce har yanzu ana ci gaba da bin tsauraran ƙa’idojin kare lafiyar jama’a.
Pingback: INEC ta sanya ranar bayyana makomar Pantami, Gwarzo da Adebutu - KAKAKI 24