Kasuwanci
Hukumar NNPC Ta Bukaci Naira Tiriliyan Uku A Matsayin Tallafin Man 2022

Hukumar kula da albarkatun man fetur ta Najeriya ta bukaci naira tiriliyan uku (N3,000,000,000,000) a matsayin tallafin mai na shekarar 2022.
Ministar Kudi, Kasafin Kudi, da Tsare-tsare ta Kasa, Misis Zainab Ahmed ce ta bayyana hakan ga manema labarai a fadar shugaban kasa bayan taron majalisar zartarwa ta tarayya wanda shugaban kasa Muhammadu Buhari ya jagoranta a ranar Laraba.
“A shekarar 2022, saboda karin farashin gangar danyen mai a kasuwannin duniya, yanzu yana kan dala 80, haka kuma saboda kimar da kamfanin NNPC ya yi na cewa Najeriya na cin lita miliyan 65.7 a kowace rana, wanda za mu kare Karin kudin da ya kai Naira tiriliyan 3 a shekarar 2022,” Ministar ta kara da cewa.
A cewar Misis Ahmed, bisa la’akari da cewa, gwamnatin tarayya za ta yi karin tanadi na Naira tiriliyan 2.557 domin biyan bukatun tallafin da a halin yanzu ya kai kusan Naira biliyan 270 a kowane wata.