Labarai
Buhari ya naɗa yayan matarsa Shugaban kamfanin Buga kuɗi

Shugaban ƙasa Muhammadu Buhari, ya amince da naɗin Ahmed Halilu a matsayin Manajan Daraktan kamfanin buga kuɗi.
Jaridar DAILY NIGERIAN ta ruwaito cewa Ahmed Halilu, yayan mai ɗakin shugaban Buhari ne, watau Hajiya Aisha Buhari.
Haka kuma ta ƙara da cewa a baya ya riƙe kamfanin a matsayin shugaba na riƙon kwarya sakamakon murabus ɗin tsohon shugaban kamfanin Abbas Masanawa a ranar 16 ga watan Mayu.
Hak kuma DAILY NIGERIAN ta ruwaito cewa ta samu rahoton da ke nuni da cewa shugaban ƙasa Muhammadu Buhari, ya amince da naɗin nasa ne bisa shawarar gwamnan babban bankin ƙasa CBN Mista Godwin Emefiele, wanda ke rike da mukamin shugaban hukumar ta NSPMC.