Labarai
Wasu Yan Bindiga Sun Kashe Da Ga Wani Dan Majalisar Dokoki

Wasu ‘yan bindiga sun kashe babban dan dan majalisar dokokin jihar Bauchi mai wakiltar mazabar Dass, Bala Ali, kwanaki kadan bayan sun yi garkuwa da shi.
Dan majalisar wakilai mai wakiltar mazabar Burra, Ado Wakili, ya bayyana hakan a jiya a yayin zaman da mataimakin kakakin majalisar, Alhaji Danlami Ahmed Kawule ya jagoranta.
Da yake tabbatar da hakan, Abubakar Dambam mai wakiltar mazabar Dambam/Zagaya/Jalam, ya bayyana cewa tuni aka gudanar da Sallar jana’izar marigayin, inda ya bayyana lamarin a matsayin abin ban tsoro da takaici.
Mataimakin shugaban majalisar ya bada umarnin a gudanar da addu’a ta musamman ga marigayin wanda Bello Muazu Shira mai wakiltar mazabar Shira ya jagoranta.
Ya kuma bayyana cewa majalisar za ta kai ziyarar ta’aziyya ga yan uwa da iyalansa a garin Dass.