Ilimi
Hukumar WAEC Ta Yi Cikakken Bayani Game Da Gobarar Da Ta Tashi A Gininta

Hukumar shirya jarabawar kammala sakandire ta yammacin Afrika (WAEC) ta ce ba a samu asarar rai ba a gobarar da ya tashi.
Jaridar Dimokuraɗiyya ta rawaito cewa gobarar da ta kama ofishinta na kasa da ke Legas.
A cewar wata sanarwa a hukumance daga hukumar jarrabawar, wacce ta tabbatar da tashin gobarar, ba a samu asarar rai ba, kuma akwai muhimman takardu suma suna nan kalau.
Wata sanarwa mai dauke da sa hannun shugaban sashen hulda da jama’a na majalisar Moyosola Adesina, a ranar Larabar nan ta ce:
“Hukumar Shirya Jarrabawa ta Afirka ta Yamma (WAEC), tana son yin amfani da wannan kafar wajen sanar da jama’a cewa an samu tashin gobara a ofishin WAEC na kasa da ke Yaba, Legas.
Tawagar ma’aikatan kashe gobara sun kai dauki cikin gaggawa. “Alhamdu lillahi, ba a rasa rai ba kuma duk muhimman takardu da bayanai suna nan.”