Labarai
Ba gudu ba ja da baya wajen daina amfani da tsofaffin kuɗi 31 ga wata- Emefiele

Gwamnan Babban Bankin Najeriya CBN, Mista Godwin Emefiele, ya ce, babu gudu ba kuma ja da baya dangane da wa’adin daina amfani da tsofaffin kuɗi a ranar 31 ga watan nan da muke ciki na Janairu.
Gwamnan babban bankin, ya jaddada hakan ne yau Talata a birnin tarayya Abuja.
Emefiele, ya ce “Ba ni da wani sabon labari ga wadanda suke so a tsawaita kwanakin daina karɓar tsofaffin kuɗaɗe.
Ya ƙara da cewa, “Mutane sun tara kuɗi a gidajensu kuma suna sane da cewar ba su da ikon yin hakan.”