Labarai
Bauchi: Ƴan sanda sun cafke ƴan fashi da makami 7

Rundunar ƴan sandan jihar Bauchi, ta ce, ta cafke wasu mutane su 7 da ta ke zargin suna aikata fashi da makami a wata maɓoyar su da ke unguwar Magaji a jihar.
Rundunar ta bayyana hakan ne ta cikin wata sanarwa da Jami’inta na hulɗa jama’a Ahmed Mohammed Wakil ya fitar.
Sanarwar ta ce, waɗanda ake zargin ƴan tsakanin shekaru 17 ne zuwa 25, an kama su da muggan makamai da kuma Barasa.
Haka kuma rundunar ta ce, wadanda ake zargin sun haɗa da: Rayyanu Mohammed da Mustapha Harisu da Yusuf Ibrahim sai Mubarak Lawal da kuma Abubakar Musa da Al-Amin Hussaini da kuma Hamza Umar.
Haka kuma sanarwar ta ƙara da cewa, kamen nasu ya biyo bayan bayanan sirri da rundunar ta samu tare da haɗin gwiwar jami’an sa kai.