Featured
Trump Ya Soki Firaiministan Birtaniya Kan Ƙin Taimakawa Amurka
Shugaban Amurka Donald Trump, ya soki firaiministan United Kingdom, Keir Starmer, kan abin da ya kira rashin taimaka wa Amurka a hare-haren da ta kai kan Iran. A wata hira da jaridar The Sun ta wayar tarho, Trump ya ce bai yi tsammanin hakan daga Birtaniya ba.
Ya bayyana lamarin a matsayin abin takaici, la’akari da dangantakar ƙasashen biyu. A ranar Litinin, Starmer ya shaida wa majalisar dokokin Birtaniya cewa gwamnatinsa ba ta goyi bayan sauya mulki ta hanyar hare-hare ba.
Da farko Birtaniya ba ta amince Amurka ta yi amfani da sansanoninta wajen kai hari kan Iran ba, amma daga baya ta buɗe su domin abin da ta kira hare-haren kariya. Trump ya ce France ta nuna goyon baya sosai, yana mai cewa Faransa ta yi abin kirki fiye da Birtaniya.
