Featured
Bauchi: An tsige wani limami saboda zargin tallan Tinubu a Masallaci
An sauke Limamin Masallacin Unguwar Madina da ke Bauchi, Dahiru Abubakar, daga muƙaminsa bayan an zarge shi da yaɗa manufofin sake zaɓen Shugaban Najeriya, Bola Tinubu, a cikin wa’azinsa.
Rahotanni sun ce limamin na amfani da wa’azinsa bayan sallolin farilla wajen bayyana ra’ayoyin da ake kallarsu a matsayin goyon bayan sake zaɓen Tinubu, kamar yadda Daily Trust ta ruwaito.
Read Also : Mass Exodus Looms as Major Chieftains Prepare to Dump APC in Kano
Dahiru ya ce yana jan hankalin jama’a ne cewa Tinubu ba shi ne sanadin matsalolin tsaro da wahalhalun tattalin arziki ba, yana mai cewa ya kamata su sake zaɓensa a 2027 domin ya ci gaba da manufofinsa.
Sai dai shugaban kwamitin gudanarwar masallacin, Imam Abubakar Jibrin, ya ce matsalar ba ta tsaya kan batun Tinubu kaɗai ba, domin limamin na tara mutane a gaban masallaci, kuma wani lokaci yana shiga cikin masallacin domin tattauna harkokin siyasa.

Pingback: Kada ƴan Najeriya su tayar da hankalinsu saboda ɓullar cutar Ebola - Ministan Lafiya - KAKAKI 24