Featured
Lokacin Da Aka Yi Gwagwarmayar June 12, Ba Wanda Ya San El-Rufai – Shehu Sani

Dan gwagwarmayar kare hakkin bil’adama, Comrade Shehu Sani, ya ce ba a san tsohon Gwamnan jihar Kaduna, Malam Nasiru El-Rufai ba, a lokacin da aka yi gwagwarmayar June 12.
Sanata Shehu Sani dai na daya daga cikin waɗanda sojoji suka tsare a gidan kurkuku bisa kiraye-kirayen a mika mulki ga farar hula a lokacin.
A wani jawabi da yayi yayin liyafar cin abincin dare a fadar shugaban kasa a ranar bikin Dimukuradiyya, Shehu Sani ya jinjinawa Gwamnan jihar Kaduna mai ci a yanzu, Malam Uba Sani bisa rawar da ya taka a yayin gwagwarmyar.
Ko da yake, wasu sun zaci ya yabi Nasiru El-Rufai ne abinda ya sashi yin karin haske kan batun.
“Ina so nayi gyara a bayanan da wasu kafafen yada labarai suka wallafa. Abinda na fada a ranar bikin Dimukuradiyya shi ne mutumin da ya tsaya mana lokacin da aka daure mu shi ne Gwamna mai ci a yanzu ba tsohon Gwamna ba”.