Featured
Har yanzu INEC ba ta tabbatar da takarar Gwarzo ba
Hukumar Zaɓe Mai Zaman Kanta ta Ƙasa (INEC) ta yi watsi da ƙorafe-ƙorafen Ladi Adebutu, ɗan takarar gwamnan Jihar Ogun na jam’iyyar PDP, da Aminu Abdussalam Gwarzo, ɗan takarar gwamnan Kano na jam’iyyar NDC, yayin da ta amince da takarar Isa Ali Pantami a Jihar Gombe.
Wata majiya daga hukumar ta shaida wa jaridar The PUNCH cewa an ƙi amincewa da ƙorafin Adebutu ne saboda ba a saka sunansa cikin jerin sunayen ƴan takarar da jam’iyyar PDP ta miƙa wa INEC tun farko ba.
Game da Gwarzo kuwa, majiyar ta ce da an amince da takararsa, amma wani umarnin wucin-gadi da Kotun Tarayya ta bayar ya hana INEC wallafa sunansa. Ta ƙara da cewa makomar takararsa za ta dogara ne da sakamakon shari’ar da ake yi kan lamarin.
A sanarwar da INEC ta fitar, hukumar ta ce ta amince da ƙorafe-ƙorafe 66, yayin da ta ƙi 64. Daga cikin ƙorafe-ƙorafe 69 kan zaɓen gwamna, an amince da 41, aka ƙi 28, yayin da daga cikin 61 na majalisun jihohi, aka amince da 25, aka ƙi 36.

Pingback: Za a kammala shirin kafa ƴansanda jihohi kafin karshen Disamba 2026 - Majalisar Dattawa - KAKAKI 24