Featured
An Sace Ɗalibai Masu Rubuta Jarabawar NECO a Kogi

Wasu da ake zargin ƴan bindiga ne sun kai hari Makarantar Sakandiren Gwamnati da ke Opada-Olowa a ƙaramar hukumar Dekina ta Jihar Kogi, inda suka sace shugaban makarantar, jami’in NECO da ɗalibai huɗu. Lamarin ya faru ne da yammacin Talata yayin da ake gudanar da jarabawar NECO.
Rahotanni sun ce maharan sun kutsa cikin al’ummar suna harbe-harbe domin tarwatsa jama’a kafin su kutsa cikin makarantar. Bayan harin ne aka gano takardun jarabawa a warwatse a azuzuwa da harabar makarantar, yayin da maharan suka nemi kuɗin fansa daga iyalan wasu daga cikin waɗanda suka sace.
Read Also : An Sace Ɗalibai Masu Rubuta Jarabawar NECO a Kogi
Rundunar ƴansandan Jihar Kogi ta tabbatar da harin, tana mai cewa jami’an tsaro sun fara aikin ceto cikin gaggawa. Ta bayyana cewa an kuɓutar da ɗalibi ɗaya, yayin da ake ci gaba da neman sauran waɗanda aka sace da kuma farautar maharan.